jiite rahane kii sazaa de zindagii aye zindagii ab to marane kii duaa de zindagii aye zindagii main to ab uqtaa gayaa huN kyaa yahii hai qaayanaat bas ye aainaa haTaa de zindagii aye zindagii DhuNDane nikalaa thaa tujh ko aur Khud ko kho diyaa tuu hii ab meraa pataa de zindagii aye zindagii yaa mujhe ehasaas kii is qaid se kar de rihaa varnaa deewaanaa banaa de zindagii aye zindagii
Jaan-e-Sukoon Aa Bhi Jaa Tera Hi Intezaar Hai, Aankhon Se Ashk Hai Ravaan Jaan Bhi Beqaraar Hai.. Honey Ko Fasl-e-Gul Bhi Hai Daavat-e-Aish Hai Magar, Apni Bahaar Ka Mujhe Aaj Bhi Intezaar Hai.. Saare Sahaare Ishq Ke Toot Chukey Hai Hijr Mein, Ek Tumhaari Yaad Bas Dard Ki Gham-Gusaar Hai.. Ahad-e-Wafa Ka Aap Ke Luft-o-Karam Ka Aap Ke, Aur Kisi Ko Ho Na Ho Mujhko Aitabaar Hai.. Lutt Gayi Gham Ki Aabroo Lutt Chuki Hai Dil Ki Aarzoo, Nigaah-e-Lutf Ka Fir Bhi Umeed-Vaar Hai..!!