TeRe IshQ MeiN....

ghaTaaoN kii udaasii pii rahii huuN

maiN ek gehraa samandar ban gayii huuN

terii yaadoN ke angaaroN ko aksar

tasavvur ke laboN ko chuumtii huuN

koii pehchaan-ne vaalaa nahiiN hai

bhare baazaar meN tanhaa khaRii huuN

meraa qad kitnaa uuNchaa ho gayaa hai

falak kii vusatoN ko naaptii huuN

vo yuuN mujhko bhulaanaa chaahte haiN

ke jaise maiN bhii koii haadisaa huuN

badalte mausamoN kii diary se

tere baare meN aksar puuchtii huuN

kisii kii yaad ke pattoN ko “Aazer”

havaaoN se bachaa kar rakh rahii huuN