Hamare shauq Ki Yeh Intehaan Thi,Qadam Rakha Ke Manzil Rasta Thi..
Bichar Ke Daar Se Ban-Ban Firaa,
Woh Hiran Ko Apni Kasturi Sazaa Thi..
Kabhi Jo Khwab Tha Woh Paa Liya Hai,
Magar Jo Kho Gayi Woh Cheez Kya Thi..
Main Bachpan Mein Khilone Torta Tha,
Mere Anjaam Ki Woh Ibtidaa Thi..
Mohabbat Mar Gayi Mujhko Bhi Gham Hai,
Mere Acche Dino Ki Aashna Thi..
Jisey Main Chu Lun Woh Ho Jaye Sona,
Tujhe Dekha Toh Jaana Bad-Duya Thi..
Mariz-e-Khwab Ko Toh Ab Shafa Hai,
Magar duniya Badhi Kadhvi Dawaa Thi..
Posts
No comments:
Post a Comment