Gham Ki Baarish Ne Bhi Tere Naqsh Ko Dhoya Nahin,
Tuney Mujhko Kho Diya Maine Tujhe Khoya Nahin..
Neend Ka Halka Gulaabi-Saa Khumar Aankhon Mein Tha,
Yun Laga Jaise Woh Shab Ko Der Tak Soya Nahin..
Har Taraf Deewar-o-Dar Aur UnMein Aankhon Ka Hujuum,
Keh Sakey Jo Dil Ki Haalat Woh Lab-e-Goya Nahin..
Jurm Aadam Ne Kiya aur Nasl-e-Aadam Ko Sazaa,
Kaat-ta Hun Zindagi Bhar Maine Jo Boyaa Nahin..
Jaanta Hun Ek Aise Shaksh Ko Main Bhi,
Gham Se Patthar Ho Gaya Lekin Kabhin Roya Nahin..!!
Posts
No comments:
Post a Comment